Лениногорск полицейскийлары «Тәртип сакчылары белән зарядка»Бөтенроссия акциясенә кушылды
"Тәртип сакчылары белән зарядка" Бөтенроссия акциясе кысаларында Россия Эчке эшләр министрлыгының Лениногорск районы буенча бүлеге хезмәткәрләре Иҗтимагый совет әгъзасы –«Юл хәрәкәте иминлеге»ДКУ профилактика бүлеге башлыгы Зөлфия Рахманова белән берлектә «Дружба» балаларны сәламәтләндерү лагерендә булдылар.
Чараның төп максаты булып сәламәт яшәү рәвешен пропагандалау һәм үсеп килүче буында спортка уңай караш тәрбияләү иде.
Тәртип сакчылары балаларга физкультура, зарядканың файдасы, аларның сәламәтлекне сакларга ничек ярдәм итүе һәм полицейский һөнәрендә ни өчен физик әзерлекнең мөһимлеге турында сөйләделәр. Балалар өчен зарядканы эчке хезмәт лейтенанты, шәхси состав белән эшләү бүлеге белгече Илдар Сафиуллин үткәрде.
Балигъ булмаганнар эшләре буенча инспектор Рамилә Газизова балаларга төрле җинаятьләр кылган өчен каралган җаваплылык төрләре турында сөйләде. Полициянең өлкән лейтенанты тәмәке тартуга, алкогольле эчемлекләр һәм наркотик матдәләр куллануга зыян китерүгә аерым игътибар бирде.
Зөлфия Рахманова юлны махсус билгеләнгән урыннарда гына һәм светофорның яшел сигналына гына чыгарга, тәүлекнең караңгы вакытында яктылыкны кире кайтаручы элементларны куллану кирәклеге һәм юл хәрәкәте куркынычсызлыгы белән бәйле башка бик күп нәрсәләрне искә төшерде.
Балалар чыгыш ясаучыларны игътибар белән тыңладылар, сораулар бирделәр, конкрет ситуацияләрне һәм аларны чишү юлларын карадылар.