8 июль - Гаилә, мәхәббәт һәм тугрылык көне уңаеннан Лениногорск районы «Исток-Башлангыч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре өлкән яшьтәге волонтер Вахтерова Ольга белән берлектә бәйрәм программасы оештырганнар. Чараның төп кунаклары-социаль хезмәт алучылар арасыннан күп еллар бергә яшәгән гаилә парлары. Катнашучылар бу бәйрәмнең тарихы һәм традицияләре турында белделәр, алар бәхетле гаилә серләре белән уртаклаштылар.