Лениногорск районы Башлыгы Рәгать Хөсәенов районның Иҗтимагый советы утырышында катнашты
Бүген мэриянең утырышлар залында Евгений Благодаров рәислегендә Лениногорск муниципаль районы Иҗтимагый советы утырышы узды. Иҗтимагый совет эшендә Лениногорск районы Башлыгы, Лениногорск шәһәре мэры Рәгать Хөсәенов, Иҗтимагый совет әгъзалары һәм чакырылганнар катнашты.
Көн тәртибенә берничә мәсьәлә чыгарылган иде: Лениногорск районында 2020 елдан 2022 елга кадәр «Безнең ишегалды» программасын тормышка ашыру, аның кысаларында яңартылган ишегалларын карап тоту, микрорайоннарда яшәүчеләрнең «Безнең ишегалды»программасын тормышка ашыруда катнашуы. Шәһәр территориясендә ТОС грантларын гамәлгә ашыру, микрорайон халкын анкеталаштыру нәтиҗәләре, беренче яртыеллыкта ишегалларының торышын тикшерү нәтиҗәләре.
«Безнең ишегалды «программасын гамәлгә ашыру турында» беренче мәсьәлә буенча Лениногорск шәһәре Башкарма комитеты җитәкчесе Риваль Сытдиков чыгыш ясады.
«Безнең ишегалды» программасы буенча Лениногорск шәһәре һәм районында барлыгы 199 ишегалды территориясе ремонтланачак. Быел муниципаль районда «Безнең ишегалды» программасы буенча барлыгы 200 млн.сумлык 46 ишегалды ремонтлана, шуларның 32се - авыл җирлекләрендә һәм 14е - шәһәрдә.
«Бипиум» программасы буенча халык сорауларына җавап бирү мөмкинлеге бар. 2020 елда хезмәткәрләр тарафыннан барлыгы 276 мөрәҗәгать эшкәртелгән, аларның 72% ы уңай хәл ителгән, 2021 елда - 267 мөрәҗәгать, аларның 74% уңай хәл ителгән, быелның 6 ае эчендә 54 гариза эшкәртелгән, шуларның 88% ы халыктан уңай бәя алган.
Кеше хокуклары буенча вәкаләтле вәкил, районның иҗтимагый советы әгъзасы Людмила Наумова ишегалларында халыкка хезмәт күрсәтү сыйфаты белән аноним анкета уздыру нәтиҗәләре буенча чыгыш ясады.
Утырышның көн тәртибендәге барлык мәсьәләләр буенча тиешле карарлар кабул ителде.
Район башлыгы Рәгать Хөсәенов Башкарма комитетка, хезмәт күрсәтүче оешмаларга кыска вакыт эчендә халыкның барлык шикаятьләре буенча эшне төгәлләргә, ТОС урынбасарларына халык белән активрак эшләргә кушты.